სამცხე-ჯავახეთი

ახალქალაქში ქართული წიგნები მხოლოდ საკითხავი მასალა არ არის, ისინი ენებს, კულტურებსა და მეგობრობას შორის მთავარი ხიდია. ამ რეგიონში სახელმწიფო ენის შესწავლასა და ინტეგრირებას განსაკუთრებული მნიშვნელობა აქვს, რაშიც ლიტერატურა უდიდეს როლს თამაშობს. ორენოვანმა ლექსიკონებმა და სპეციალურად ადაპტირებულმა, საინტერესო ილუსტრაციებით გაფორმებულმა წიგნებმა ადგილობრივ ბავშვებს ქართული ენის სიყვარული უნდა გაუღვივოს.

ასე მოსწავლეები ერთად წაიკითხავენ, ახალ სიტყვებს თამაშის ფორმით ისწავლიან და ყოველი ახალი გვერდის გადაფურცვლისას ერთმანეთს ბარიერების გადალახვაში შეუწყობენ ხელს.

გვინდა, ბიბლიოთეკა მათთვის ინტერესების გაზიარების საშუალებად იქცეს, სადაც ისინი ერთად იოცნებებენ, შეიმეცნებენ და საინტერესო ამბებს აღმოაჩენენ.